सांग तू स्वप्नात येशील का?

सगळ्या वाटा अचानक लुप्त का व्हाव्यात?

सगळ्या दिशा अंधार्या का वाटाव्यात?

अशा वेळी सांग तू स्वप्नात येशील का?

तो पहाड अजस्र दुर्लभ का वाटावा?

स्वत:वरचा विश्वास अचानक का ढळावा?

अशा वेळी सांग तू स्वप्नात येशील का?

एकच शब्द तुझा - असेना का स्वप्नातला-

पाउस त्याने बरसून टाकावा -

मातीच्या ओल्या गंधाने

मनाचा आसमंत सुगंधित व्हावा ---

हव्याहव्याश्या मेघ-मल्हारासाठी सांग,

तू स्वप्नात येशील का?