मंगळवार, ऑक्टोबर ०२, २००७

एकदिवसीय लढत

कोचीनची एकदिवसीय लढत (!) बघायला मी गेलो नाही हे बरंच झालं. नाही म्हणजे कोचीनचं जवाहरलाल नेहरू स्टेडियम म्हणजे काही चार रुपयांचं तिकिट काढलं बसचं आणि पोहोचलो इतकं काही मला जवळ नाही; खरं तर कोचीनला जायचा विचारही मला शिवला नव्हता. पण तरीही म्हणतो, की कोचीनची एकदिवसिय लढत बघायला मी गेलो नाही हे बरंच झालं. मुख्य कारण म्हणजे दूरदर्शनवरच्या अप्रतिम हिंदी समालोचनाला मी मुकलो असतो. आणि अर्थातच श्रीसंत नामक "भडकू"च्या नाटकांचा रसास्वाद नीटपणे घेता आला नसता तो वेगळाच.

अतुल वासन (हा भारतासाठी कसोटी खेळला आहे अशी अफवा आहे म्हणतात), यशपाल शर्मा आणि अरूण लाल (हाही लाल होता बहुतेक) या द्रुतगती त्रयींच्या धावत्या समालोचनाने भारतीय विनोदी साहित्यासाठी एक मोठा धडा घालून दिला असे म्हणणे अतिशयोक्ती ठरणार नाही.

"महेंद्र सिंग धोनीने टॉस जीतकर ऑस्ट्रेलिया को बल्लेबाजी का निमंत्रण दिया। उनके निर्णय से मै सहमत नहीं हूं।" "मेरे खयाल से काफी सोच के बाद यह निर्णय लिया गया है। हरभजन सिंह जैसे वर्ल्ड क्लास स्पीनर को आज खिलाया जा रहा है। मेरे खयाल से यह सही निर्णय है।"

"श्रीसंत ने नपीतुली गेंदबाजी की थी साऊथ आफ्रिका मे, उसीका नजारा फिर देते हुये -- और ये लगा चौका! मॅथ्यू हेडन बहुत अच्छे फॉर्म में दिख रहें है आज।"

"कितने बडे है मॅथ्यू हेडन!" (ही अतिशयोक्ती नाही!)

"ऑस्ट्रेलिया के खिलाडी स्पीन गेंदबाजी अच्छी तरह से खेलने का रेप्युटेशन नहीं रखते।"

"रमेश पोवार काफी महॅंगे पड रहे है आज"

"फ्लाईट देने से नहीं चुकते हरभजन। और यह शॉर्ट पीच गेंद, विकेट किपर भी चुके और बाईज के चार रन!"

"सचिन तेंडूलकर से बोलिंग कराई जानी चाहिये। इस मैदान पर ऑस्ट्रेलिया के खिलाफ उनका रेकार्ड अच्छा है!"

"श्रीसंत ने यह कॅच पकडकर सायमंडस को दिखा दिया कितने अच्छे गेंदबाज वे है।"

"भारत की अच्छी शुरुआत। और ये गंभीर आऊट! ऐसा शॉट खेलने की कोई जरूरत नहीं। पुरी तरह चुके और क्लीन बोल्ड"

"सचीन सॅंभालकर खेल रहे है। और यह क्या!!! सचीन आऊट। बहुत ही खराब शॉट।"

"इरफान पठान के रन आऊट होने के बाद भारत की परीस्थिती बिगडती हुई। भारत एक सौ उनतालीस पर छह।"

"सौ रन से जादा मार्जीन से हारना पचास ओव्हर की मॅच में बहुत बुरी चीज़ समझी जाती है। मेरे खयाल से महेंद्र सिंग धोनी की यही कोशिश होनी चाहिये की स्कोर किसी भी तरह दोसों से उपर लेके जायें।"

काय एकेक मुक्ताफळे! हे हिंदी समालोचक क्रिकेटचं धावतं वर्णन करत नाहीत तर भारत कसा खेळतोय (आणि त्यापेक्षा भारताने कसे खेळायला हवे) याचीच जास्त बडबड करतात. दुसरं म्हणजे हे लोक असतात दिल्लीत, आपल्याला जे टीव्हीवर दिसतंय तेच त्यांनाही दिसत असतं. त्यामुळे "यह लगा छक्का ... अरे नहीं.. और ये बल्लेबाज आऊट" अशी नेहमी त्यांची गल्लत होत असते.

मजा येते पण ऐकायला!

आजच्या दुस-या नाट्याचे नायक म्हणजे आपले श्री संत महाराज, श्री"संथ". ऍंड्र्यू सायमंडसला खुन्नस देण्यागोदर त्याने खालील गोष्टींचा सखोल अभ्यास करावा असे माझे नम्र मत आहे:
  • सायमंड्सचे वजन (आणि वय) आपल्या वजनाच्या किती पट आहे हे हाताच्या बोटावर आधी मोजावे
  • आपण किती खोबरेल तेल चोपडतो आणि सायमंड्स किती ते बघावे. उगाचच हमरीतुमरीवर असं "घसरू" नये.
  • शाळेच्या पहिल्या दिवशी कोण किती रडलं होतं याची आठवण ठेवावी.
  • सायमंड्सच्या केसांची लांबी आणि गालावरचं क्रिम पाहून थोडंसं तरी वचकून असावं.
  • भूताचा सिनेमा पाहताना मागच्या वेळी थिएटरमधून कोणी पळ काढला होता ते स्वतःलाच विचारून ठेवावं
  • अगदीच सगळं विसरलास तर आपली कितवी ओव्हर चालू आहे, स्कोर कोणाचा किती झालेला आहे, कॅप्टन आपल्यावर कसा खूष नाहीये, आपली आत्तापर्यंत किती पिटाई झालेली आहे, आणि अजून किती नक्की होणार आहे, या आपल्या घरच्या प्रेक्षकांसमोर झालेला आपला पोपट सुंदर दिसणार नाही याचं तरी भान ठेवावं!
पण यातलं काही म्हणजे काही झालं नाही. एक कॅच काय घेतला भाऊनं आणि कसोटी क्रिकेटमध्ये सातशेवा बळी मिळाल्याचा आनंद झाला चट्टाला.

श्री चट्टा, थोडं सॅंभालके, लॉर्डस अभी दूर है!

६ टिप्पण्या:

Nandan म्हणाले...

sahi :D. shree santh la ekda bench var basavoon 'kitne bade hai andrew symonds' chi shikavni dyayala havi. :)

Meghana Bhuskute म्हणाले...

he he he! too good! Hindi samalochan ha aflaatoon karyakram asto, mipan aawarjoon aikte!

Ajit म्हणाले...

Nandan,

shree santh la ekda bench var basavoon 'kitne bade hai andrew symonds' chi "Shikshaa!" dyayala havi. :)

hindi tali shikshaa ;-)

Yogesh म्हणाले...

ह ह लो पो. :)
सायमंड्स केव्हाही त्याचा घास घेईल असं वाटत राहतं

Raj म्हणाले...

> "कितने बडे है मॅथ्यू हेडन!"

:)))एकदम सही. इथे आपल्या सिद्धूजींचीही आठवण झाली. :)त्यामानाने चॆनेल ९ वगैरेवरची गावसकर, बॊयकॊट यांची कॊमेंट्री किती सुंदर असायची.

tAutomation म्हणाले...

Hi... Khupach masta lihilays .. Shrisant sathiche likhan ekdam avadale... :)

Tuza blog madhale etarhi likhan avadale mala ...

AV
http://mianimazatv.blogspot.com/