रविवार, एप्रिल ०९, २००६

ये

मी म्हणालो, "ये - ये ना!"

अवचित, अचानक, अवेळी पाऊस यावा, तशी ये.
चांदण्यांनी लगडलेल्या आकाशात, सर्रकन तारा तुटतो, कधीही, तशी ये.
तापलेल्या उन्हांत, उकळत्या झळा लागतात तेव्हा, ये, मोगऱ्याचा दरवळ घेऊन.

मी म्हणालो, "ये - ये ना!"
तू माझ्या मनी नसतांना नकळत ये.
तू माझ्या स्वप्नी नसतांना अलवार ये,
तू माझ्या भावविश्वात नसतांना ये- हळूच.

आणि जे घडलं ते साहजिकच, तू कधीच आली नाहीस!

२ टिप्पण्या:

Tulip म्हणाले...

वा! खूप छान!! ..

अनामित म्हणाले...
ब्लॉग प्रशासकाने ही टिप्पण्णी हटविली आहे.